بعد إذن الزمن .. بعد إذن السنين .. بعد إذن العمر .. متسرقشى منى احلى فرحه وأحلى أيام وأحلى فتره وأحلى ليالى .
أنصفنى يا زمن ولو مره على أحزانى .. أنصفنى يا زمن ولو مره على أوهامى .. متخليش كل فرحه وكل ضحكه تطلع خيال ووهم أنا عشت فيه وصدقته وأخلصت ليه ..
متخليش الفرح ليله فى العمر والحزن العمر كله .. متخليش الفرح طفل مولود .. والحزن شيخآ كهولا ..
كل حاجه بتتدى صغيره ثم تكبر إلا الحزن يبدأ كبير ثم يصغر ..
أعانى من قسوه الزمان .. وقسوه اليالى ..
أوقات أحسب أن الدنيا معى وليست ضدى ثم أكتشف أننى التى عيشت نفسى فى حلم نهايته كابوس أو وهم مالهوش بديل
ليه عمر الفرح قصير ؟؟ وليه عمر الحزن كبير؟؟
وليه وقت الفرح بنخاف يطلع وهم مش حقيقه ؟؟ ونفضل نبكى وقت الفرح ونفتكر أى حاجه فيها حزن ؟؟ معقول علشان واخدين على الحزن ولما يجى الفرح مش بنصدق .. بس للأسف حتى لما بيجى وقت الفرح مش بنحس بيه لاننا بنفتكر بردو الحزن ..
العيب ف مين ؟؟ فينا أحلى اللى بنصنع الحزن ؟؟ أم فى عقولنا وتفكرنا اننا بنبص لحاجه أعلى مننا ولو مش أتحققت نشعر بالفشل واليأس ونصاب بالأحباط؟؟ أم كل هذا قسوه من الأيام وقسوه من الليالى ؟
أم قسوه من البنى آدمين الذين فى ايديهم الراحه لناس تانيه ولكن يصممون التعب وعدم راحه البال للناس التانيه
أرى الدنيا دى أحوال .. يوم معاك وعشره عليك
ناس الحظ معاهم .. وناس الحظ ولا شافهم
ناس عليت على أكتاف ناس تانيه .. وناس فى الارض ومش طايله
ناس عشتها الراحه .. وناس عيشتها المر
ناس تستغطى بالورد .. وناس تستغطى بالتراب ف الارض
ناس عايشين وراسهم فوق .. وناس وشهم فى الارض
ناس زى الدهب غاليين .. وناس زى التراب عايشين
وناس تقدر تريح ناس من الهم وبردو سيباهم ...
عن جد الدنيا دى عجائب وطرائف
الدنيا دى أحوال ....!