اوعى تخلي دموعك
تسرق حلمك
تكتم صوتك
إوعى تخلي ظروفك
أكبر همك
و يزيد خوفك
خلي دموعك في الكون فكرة
تيجي ف بالك لو محتاج
تحلم بيها بمليون بكرة
سيبك م اللي يقول إحراج
خلي دموعك مفتاح سجنك
و الأحزان ترحل من حضنك
إوعى تخلي دموعك
تكسر قلبك
و يضيع حبك
لو تكتمها تضرك
و يتوه دربك
سيبها لربك
إنسى الدنيا بحالها و عيط
خلي دموعك عقد مفرط
حتى دموع العبد ف محراب ربه
ترفع قدره
ليه بنخاف لو نبكي
أو يوم نشكي
أو يوم نحكي
ع اللي قلوبنا عليه بتعيش
عيط وري الدنيا دموعك
أوعى الحزن يطفي شموعك
وري الناس للأفراح ... جوعك
بكرة الضحكة تصحي رجوعك
و الأحزان تمشي و ما تجيش
لو تكتمها تقتل روحك
و الكتمان هيزيد في جروحك
تيجي ف لحظة والكتمان
هيفجر منك حرمان
ابكي بشدة
خلي الضحكة تلاقي مكان
تطلع منه
بعد ما تخلص م الأحزان
و اياك تنسى
إن دموعك يعني رجوعك
يعني طريقة تطفي جروحك
إياك تنسى
و اوعى تخلي دموعك
تجرح قلبك
و تبيع روحك